Murmanskda “Tamaşaçı üçün döyünən ürəklər” adlı kitab sərgisi açılmışdır
Bakı, 21 iyun (AZƏRTAC). Murmansk dövlət vilayət universal elmi kitabxanasında “Tamaşaçı üçün döyünən ürəklər” adlı sərgi açılmışdır.
Azərbaycan diasporunun nümayəndəsi AZƏRTAC-a bildirmişdir ki, sərgidə həmyerlimiz, SSRİ Xalq artisti, beynəlxalq festivalların laureatı, təkrarolunmaz bariton Müslüm Maqomayevin kitabı (“Məhəbbətim mənim - melodiya”, Moskva, “Vaqrius”, 1999-cu il), görkəmli mədəniyyət xadimləri Qalina Vişnevskaya, Alla Puqaçova, Edita Pyexa, Viktor Soy haqqında nəşrlər, “100 böyük balet ustası” kitabı və s. nümayiş etdirilmişdir. Sərginin adından göründüyü kimi, bu kitablar incəsənət tarixində öz izini qoyanlar, əsərləri, musiqisi hələ də ürəklərimizi riqqətə gətirənlər haqqındadır.
Müslüm Maqomayevin “Məhəbbətim mənim - melodiya” kitabı Murmansk kitabxanasının oxucularında daha böyük maraq doğurur. Kitabda dahi müğənninin həyatında ümummilli lider Heydər Əliyevin rolu qeyd edilmişdir.
Bölmənin digər xəbərləri
