Murmanskın əsas bayramı – Balıqçı günü qeyd ediləcəkdir
Bakı, 3 iyul (AZƏRTAC). Gələn bazar günü, iyulun 8-də Murmanskda şəhər sakinlərinin ən çox xoşladığı bayram - Balıqçı günü qeyd ediləcəkdir. Bu bayram Murmanskda 1962-ci ildən qeyd edilir.
Bu il Balıqçı günü münasibətilə Murmanskın mərkəzində yerləşən iki meydançada - “Arktika” mehmanxanasının və “Meridian” konqres-otelinin yaxınlığında şəhər sakinləri üçün əyləncəli proqram təşkil ediləcəkdir.
Balıqçı günündə Murmansk sakinləri musiqi dinləyəcək, mahnı oxuyacaq və rəqs edəcəklər. Bayrama populyar müğənni Valeri Syutkin də dəvət edilmişdir.
Şimallıları rəqs müsabiqələri, viktorinalar və idman oyunları da gözləyir.
Qeyd etmək lazımdır ki, iri liman təsərrüfatının mütəxəssisləri, gəmi sükançıları və mexanikləri arasında bizim həmvətənlərimiz də az deyildir. Vaxtilə Murmansk ticarət və balıq limanlarını, Uzaq Şimalın nəqliyyat və balıq ovu donanmalarını yaratmağa gəlmiş bu insanlar talelərini həmişəlik bu şəhərlə bağlamışlar.
Bölmənin digər xəbərləri
