Muxtar Babayev: Ağdam Azərbaycanın ən gözəl, yaşıl şəhərlərindən birinə çevriləcək
Ağdam, 11 aprel, Tahir Ağaməmmədov, AZƏRTAC
Bu gün Ağdamda Ümummilli Lider Heydər Əliyevin 100 illik yubileyi münasibətilə ağacəkmə aksiyasında iştirak edirik. 500 ağac əkilib, ərazi damcı suvarma sistemi ilə təmin olunub. İnanırıq ki, Ağdam Azərbaycanın ən gözəl, yaşıl şəhərlərindən birinə çevriləcək.
AZƏRTAC-ın bölgə müxbiri xəbər verir ki, bunu Ağdam şəhərində jurnalistlərə müsahibəsində ekologiya və təbii sərvətlər naziri Muxtar Babayev deyib.
“Bizim genişmiqyaslı işlərimiz sırf təbiətin mühafizəsi və ağacəkmə aksiyaları ilə müşahidə olunur. Ağacəkmə aksiyaları ilin sonuna qədər həyata keçiriləcək”, - deyə Muxtar Babayev bildirib.
Bölmənin digər xəbərləri
