Muxtar respublikada yeni dərs ilində 52 min 500-dən çox şagird məktəbə gedəcək
Naxçıvan, 15 sentyabr, AZƏRTAC
Muxtar respublikada yeni tədris ilində 5 min 224 şagird I sinifdə təhsil alacaq.
AZƏRTAC-ın Naxçıvan bürosu xəbər verir ki, muxtar respublikada yeni dərs ilində 211 ümumtəhsil məktəbində 52 min 648 şagird təhsilə başlayır. Oktyabrın 1-dən isə məktəbəhazırlıq siniflərinə 3 min 584 uşağın qəbul olunması gözlənilir.
Qeyd edək ki, 2019-2020-ci tədris ili üzrə ümumtəhsil məktəblərini 2911 məzun bitirib. Onlardan 275 abituriyent 500-dən yuxarı bal toplayıb ki, onların da 165-i, yaxud 60 faizi qızlar, 110-u, yaxud 40 faizi isə oğlanlardır. Ali məktəblərə qəbulda muxtar respublikanın 110 məktəbinin məzunları 500-700 arası nəticə göstərib.
Bölmənin digər xəbərləri
