NASİONAL-BOLŞEVİKLƏRİN BÖYÜK TEATRDA “TAMAŞASI”

08.05.2004 [15:11]
Çap et
A⁺ A^-

AZƏRTAC-ın Moskvadan aldığı xəbərdə deyilir ki, mayın 7-də axşam bir qrup nasional-bolşevik Rusiya Prezidenti Vladimir Putinin andiçmə mərasiminə qarşı siyasi aksiya keçirərək, Böyük Teatrda tamaşanı pozmağa çalışmışdır.

Aksiyada Nasional-Bolşevik Partiyasının 30-dək üzvü iştirak etmişdir. Onlardan 20 nəfəri Böyük Teatrda “Mazepa” operasının tamaşasında fasilə zamanı səhnəyə cumaraq, prezident əleyhinə şüarlar söyləmişdir. Qalanları isə özlərini hökumət lojasına, habelə “Rədd olsun Putin mütləqiyyəti!” şüarı yazılmış beletaja qandallamışlar. Bütün salona antiprezident məzmunlu vərəqələr atılmışdır.

Teatrın təhlükəsizlik xidməti aksiyanın 16 iştirakçısını tutaraq, özünü yetirən milis nəfərlərinə təhvil vermişdir.