NAXÇIVAN MUXTAR RESPUBLİKASI ALİ MƏCLİSİNDƏ MÜŞAVİRƏ

25.11.2005 [16:14]
Çap et
A⁺ A^-

AZƏRTAC-ın müxbiri xəbər verir ki, Naxçıvan Muxtar Respublikası Ali Məclisində baytarlıq təbabəti xidmətinin vəziyyəti və idarə olunmasının təkmilləşdirilməsi ilə bağlı müşavirə keçirilmişdir.

Ali Məclisin sədri Vasif Talıbov son illər muxtar respublikada baytarlıq təbabəti xidmətinin yaxşılaşdırılması sahəsində bir sıra tədbirlərin həyata keçirildiyini xatırlatmış və görülən işlərin qənaətbəxş olmadığını qeyd etmişdir.

Müşavirədə Naxçıvan Muxtar Respublikası baş nazirinin müavini, kənd təsərrüfatı naziri, maliyyə naziri, Gömrük Komitəsinin sədri, səhiyyə naziri, Kənd Təsərrüfatı Nazirliyi baytarlıq şöbəsinin müdiri, Dövlət Statistika Komitəsinin sədri və başqaları çıxış etmiş, rəy və təkliflərini bildirmişlər.

Muxtar respublikada baytarlıq təbabəti xidmətinin təkmilləşdirilməsi və yüksəldilməsi, 2006-cı ilin əvvəlində baytarlıq xidməti işçilərinin xüsusi geyim formaları və fərqləndirici nişanlarla təmin olunması, sərhəd-keçid məntəqələrində baytarlıq nəzarətinin gücləndirilməsi, rayonlarda baytarlıq məntəqələrinin yaradılması, baytarlıq xidməti sisteminin maddi-texniki bazasının möhkəmləndirilməsi və s. barədə ciddi tapşırıqlar verilmişdir.

Dekabrın 1-dək muxtar respublikanın Kənd Təsərrüfatı Nazirliyi yanında Dövlət Baytarlıq Xidmətinin yaradılacağı bildirilmişdir.