NAXÇIVANDA ATATÜRK ARAŞDIRMA MƏRKƏZİ YARADILMIŞDIR
Qonaqlar simpoziumdan əvvəl Şəhidlər xiyabanını və ümummilli liderimiz Heydər Əliyevin büstünü ziyarət etmişlər.
AZƏRTAC-ın müxbiri xəbər verir ki, simpoziumu giriş sözü ilə NDU-nun rektoru, akademik İsa Həbibbəyli açaraq, Naxçıvan Atatürk Araşdırma Mərkəzinin yaradılması zərurətindən, mərkəzin fəaliyyət perspektivlərindən danışmışdır.
Türkiyənin Naxçıvandakı baş konsulu Nevzat Uyanık Atatürk Araşdırma Mərkəzinin Türkiyə-Naxçıvan münasibətlərinin mədəni, elmi və tarixi köklərə dayanaraq möhkəmlənəcəyinə və inkişaf edəcəyinə əminliyini bildirmişdir.
Azərbaycan MEA Naxçıvan bölməsinin sədri akademik İsmayıl Hacıyev türk dünyasının iki böyük lideri - Mustafa Kamal Atatürk və Heydər Əlirza oğlu Əliyevin misilsiz xidmətlərindən bəhs etmişdir.
Sonra Naxçıvan Atatürk Araşdırma Mərkəzinin açılış mərasimi olmuşdur.
Bölmənin digər xəbərləri
