NAXÇIVANDA “TƏMİZ HAVA” AYLIĞI KEÇİRİLİR
Naxçıvan, 11 iyun (AZƏRTAC). Azərbaycan Prezidenti tərəfindən 2010-cu ilin “Ekologiya ili” elan edilməsi ilə əlaqədar Naxçıvan Muxtar Respublikası Daxili İşlər Nazirliyi Dövlət Yol Polisi İdarəsinin və Muxtar Respublikanın Ekologiya və Təbii Sərvətlər Nazirliyinin birgə təşkilatçılığı ilə “Təmiz hava” aylığının keçirilməsinə başlanılmışdır.
Aylığın tələblərinə əsasən, yollarda xüsusi cihazlar vasitəsilə avtomobillərdən çıxan dəm qazının normaya uyğunluğu yoxlanılır. Eyni zamanda sürücülər arasında izahat işləri də aparılır.
Yoxlama zamanı bəzi avtomobillərdə havaya normadan artıq dəm qazının buraxılması müşahidə edilmişdir. Bu cür avtomobillərin sahibləri haqqında inzibati qaydada tədbir görülür.
Bölmənin digər xəbərləri
