Nazir: Azərbaycanın enerji siyasəti bütün enerji mənbələrinin balanslı inkişafına əsaslanır VİDEO
Bakı, 15 iyul, AZƏRTAC
Enerji təhlükəsizliyi ilə enerji keçidi arasında düzgün balansın qorunması Azərbaycanın enerji siyasətinin əsas prinsiplərindən biridir.
AZƏRTAC xəbər verir ki, bu sözləri energetika naziri Pərviz Şahbazov OPEC+-un Əməkdaşlıq Xartiyası üzrə ilk iclasında çıxışı zamanı deyib.
Nazir bildirib ki, qlobal enerji keçidi ayrı-ayrı enerji mənbələrinin bir-birini əvəz etməsi deyil, bütün enerji növlərinin balanslı inkişafına əsaslanan siyasətlə həyata keçirilməlidir.
“Prezident İlham Əliyevin enerji təhlükəsizliyi ilə enerji keçidi arasında düzgün tarazlığın qorunmasına dair yanaşması bu baxımdan xüsusi aktuallıq daşıyır. Azərbaycan da enerji təhlükəsizliyini təmin etməklə yanaşı, bərpaolunan enerji mənbələrinə investisiyaların artırılması istiqamətində ardıcıl siyasət həyata keçirir”, - deyə o qeyd edib.
Bölmənin digər xəbərləri
