Nazir: Ölkəmizdən yan keçə biləcək tranzit marşrutlarının Azərbaycandan keçməsi təmin olunub
Bakı, 19 may, AZƏRTAC
Azərbaycan Avrasiya məkanında mühüm nəqliyyat qovşaqlarından birinə çevrilib.
AZƏRTAC xəbər verir ki, bu sözləri Azərbaycanın rəqəmsal inkişaf və nəqliyyat naziri Rəşad Nəbiyev WUF13 çərçivəsində təşkil olunan “Şəhərlər bağlantılılığın mərkəzində: Şəhər yenidənqurması və regional əməkdaşlıq" mövzusunda xüsusi sessiyada çıxışı zamanı söyləyib.
O vurğulayıb ki, 2021-ci ildən bəri ölkəmizdən yan keçə biləcək tranzit marşrutlarının Azərbaycandan keçməsi təmin olunub və nəticədə tranzit daşımalarının həcmi iki dəfə artıb.
Nazirin sözlərinə görə, ötən il Azərbaycan ərazisindən 17 milyon ton yük daşınıb. O əlavə edib ki, Orta Dəhliz vasitəsilə Çinlə Mərkəzi Asiyanı birləşdirən qatarlar Türkiyə sərhədinə 15-18 gün ərzində çata bilir.
Rəşad Nəbiyev bildirib ki, nəqliyyat dəhlizləri ətrafında yeni logistika mərkəzləri, azad iqtisadi zonalar və şəhər mərkəzləri formalaşır. Əsas məsələ isə bu dəhlizlər boyunca şəhərlərin necə qurulacağıdır.
Bölmənin digər xəbərləri
