NEFT QUYUSU 65 İLLİK FASİLƏDƏN SONRA YENİDƏN İSTİSMARA HAZIRLANIR
Əli Əmirov adına Neft və Qaz Çıxarma İdarəsindən AZƏRTAC-a bildirmişlər ki, Qaradağ strukturunun Tağyanı zonasında ötən əsrin 40-cı illərində istismarda olmuş və gündə 40 ton neft və 25 min kubmetr qaz vermiş 513 nömrəli quyu uzun fasilədən sonra yenidən işə salınacaq, əvvəllər olduğu kimi, yenə də fontan üsulu ilə işləyəcəkdir. Quyuda aparılmış karotaj bunu deməyə əsas verir. Bir həftə müddətində quyuda sınaq işlərinə başlanacaqdır.
Həmin ərazidə 20-dək kəşfiyyat və istismar quyusu qazmaq nəzərdə tutulur.
Bölmənin digər xəbərləri
