NEFT VƏ QAZLA ZƏNGİN YATAQLAR AŞKAR EDİLMİŞDİR
Əli Əmirov adına Neft və Qaz Çıxarma İdarəsindən AZƏRTAC-a bildirmişlər ki, geofiziklər Güzdək çökəkliyi ətrafındakı ərazilərdə aşağı layların neftli olduğunu müəyyən etmişlər. Mütəxəssislərin fikrincə, həmin ərazidə yeni yataqlar istismara verilə bilər.
Hələ 1989-cu ildə orada 263 nömrəli neft quyusu istismara verilmişdi. Dərinliyi 2 min metr olan həmin quyu gün ərzində 36 ton neft verirdi. Lakin quyunun texniki vəziyyəti onun uzun müddət işləməsinə imkan verməmişdir. İndi həmin quyunu bərpa etmək, ətrafında yeni kəşfiyyat və istismar quyuları qazmaq qərara alınmışdır.
Bölmənin digər xəbərləri
