“Neftçi”nin prezidenti Kamran Quliyev veteran futbolçu İsgəndər Cavadovu yubileyi münasibətilə təbrik edib
Bakı, 22 sentyabr, AZƏRTAC
Bakının “Neftçi” klubunun prezidenti Kamran Quliyev veteran futbolçu, AFFA İcraiyyə Komitəsinin üzvü, Regional Futbol Federasiyaları İctimai Birliyinin prezidenti İsgəndər Cavadovu 65 illik yubileyi münasibətilə təbrik edib.
AZƏRTAC kluba istinadla xəbər verir ki, yubilyara ən xoş arzularını çatdıran klub prezidenti ona xatirə hədiyyəsi təqdim edib.
Qeyd edək ki, İ.Cavadov 1977-1988-ci illər ərzində “Neftçi”nin heyətində 303 oyun keçirib və 61 qol vurub.
Bölmənin digər xəbərləri
