Novak Cokoviç Monakoda karyerasının 100-cü titulu uğrunda mübarizə aparacaq
Belqrad, 7 aprel, AZƏRTAC
Serbiyalı tennisçi Novak Cokoviç “Monte-Carlo Masters” turnirində mübarizə aparacaq.
AZƏRTAC xəbər verir ki, məşhur raketka ustası aprelin 13-dək davam edəcək turnirdə 10 ildən sonra Monakoda 3-cü, karyerasında isə 100-cü titul uğrunda qüvvəsini sınayacaq.
İlk dəfə 1897-ci ildə başlayan və kişi peşəkar tennisçilər arasında keçirilən turnir gil kortlarda oynanılır. Hər il aprel ayında keçirilən “Monte-Carlo Masters” təqvimin ən nüfuzlu və “ATP Tour”da doqquz “ATP Masters 1000” turnirindən biridir.
37 yaşlı Novak Cokoviç karyerasında 13 müxtəlif il ərzində rekord sayda - 428 həftə ərzində Peşəkar Tennisçilər Assosiasiyası tərəfindən kişilərin təkbətək yarışlarında dünyada 1-ci yeri tutub, 8 dəfə isə ilin sonunda ilk pillədə qərarlaşıb.
Nihad Budaqov
AZƏRTAC-ın xüsusi müxbiri
Belqrad
Bölmənin digər xəbərləri
