Novosibirsk sakinlərinə Yeni ili Azərbaycanda qarşılamaq təklif olunur
Moskva, 16 dekabr, AZƏRTAC
Rusiyanın Novosibirsk vilayətinin sakinlərinə Yeni ili Azərbaycanda qarşılamaq təklif olunur.
AZƏRTAC xəbər verir ki, Novosibirskin “Sib.fm” saytı vilayət sakinlərinə Yeni ili Azərbaycanda qarşılamağı tövsiyə edir. Bu il Rusiyada Yeni il tətili yanvarın 1-dən 8-dək davam edəcək. Bu dövrdə novosibirsklilərə Bakıda, “Şahdağ” və “Tufandağ” turizm komplekslərində maraqlı vaxt keçirmək təklif olunur.
Qeyd edək ki, Novosibirskdən Bakıya həftədə 3 dəfə birbaşa aviareyslər həyata keçirilir.
Sibir sakinləri üçün tərtib edilmiş siyahıda Azərbaycandan başqa Seul, Dubay, Vyetnamın Nyaçanq şəhəri, Banqkok da var.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
