Nuno Queiros: Regionlarda məşğulluğun artırılması və yeni iş yerlərinin yaradılması əsas məqsəddir
Bakı, 17 aprel, AZƏRTAC
“Cənubi Qafqazda qadınların iqtisadi səlahiyyətləndirilməsi” layihəsi həssas qruplardan olan qadınların iqtisadi cəhətdən asılılıqdan azad olmasına və sərbəst qərarlar qəbul etmələrinə dəstək verməklə bərabər, regionlarda məşğulluğun artırılması, yeni iş yerlərinin yaradılması və əhalinin həyat səviyyəsinin yüksəldilməsinə töhfə verir.
AZƏRTAC xəbər verir ki, bunu BMT-nin İnkişaf Proqramının rezident nümayəndəsi səlahiyyətlərini icra edən Nuno Queiros aprelin 17-də Bakının Xəzər rayonundakı Qadın Resurs Mərkəzində keçirilən görüşdə deyib.
Layihənin Azərbaycanın regionların iqtisadi inkişafı ilə bağlı proqramlarına uyğun olduğunu diqqətə çatdıran
BMT rəsmisi layihənin, eyni zamanda, bir neçə dayanıqlı inkişaf məqsədinə çatmağa dəstək verdiyini də bildirib.
Qeyd edək ki, layihənin icrası 2024-cü ilin payızınadək davam edəcək.
Bölmənin digər xəbərləri
