Ölkə ərazisində yağıntılı və küləkli hava şəraiti müşahidə olunur – FAKTİKİ HAVA
Bakı, 4 iyul, AZƏRTAC
Milli Hidrometeorologiya Xidmətinin iyulun 4-ü saat 9:00-a olan məlumatına əsasən, ölkə ərazisinin bəzi yerlərində yağıntılı və küləkli hava şəraiti müşahidə edilir.
Xidmətdən AZƏRTAC-a verilən məlumata görə, düşən yağıntının miqdarı Balakəndə 5, Sarıbaş (Qax), Kəlbəcər, Göygöl, Zaqatala, Gədəbəy, Laçın, Qubadlı, Şəmkir, Şəki, Qusar, Qrız, Ağstafa və Daşkəsəndə 3 millimetrdir.
Hazırda bir sıra ərazilərdə şimal-qərb küləyi əsir, küləyin maksimal sürəti saniyədə Bakıda və Abşeron yarımadasında 28, Culfada 21, Neftçalada 20, Naftalan və Mingəçevirdə 18 metrədək güclənir.
Dənizdə dalğanın hündürlüyü 4.4 metrə çatır.
Bölmənin digər xəbərləri
