OMBUDSMAN SEÇKİLƏRİN DEMOKRATİK KEÇƏCƏYİNƏ ƏMİNDİR
Azərbaycan Respublikasının insan hüquqları üzrə müvəkkili Elmira Süleymanova “Seçkilər” İnformasiya Mərkəzində jurnalistlərə bildirmişdir ki, hər bir vətəndaş seçkilərin demokratik keçməsində maraqlıdır. Əminəm ki, onlar öz Konstitusiya vəzifəsini yerinə yetirəcək, seçmək hüququndan istifadə edəcəklər. Dairə və məntəqə seçki komissiyalarının üzvləri bundan ötrü lazımi şəraiti yaratmalı, prosesin Seçki Məcəlləsinə, ölkəmizin Prezidentinin məlum Sərəncamlarına uyğun keçməsinə nail olmalıdırlar. Hüquq muhafizə, yerli icra orqanlarının təmsilçiləri, müşahidəçilər seçkilərin gedişinə müdaxilədən çəkinməli, öz səlahiyyətləri və müvafiq təlimatlar çərçivəsində hərəkət etməlidirlər. Bütün informasiyalar qərəzsiz və ədalətli çatdırılmalıdır. Ombudsman Aparatının 20 əməkdaşı respublikanın bütün bölgələrində olacaq, seçkiləri müşahidə edəcək, hər hansı bir qanun və prosedur pozuntusu olarsa, bu barədə dərhal MSK-ya məlumat veriləcəkdir.
Bölmənin digər xəbərləri
