Onlayn təlim: "Web of Science” elmi məlumat bazasından istifadə imkanları və yeni tətbiqlər
Bakı, 19 mart, AZƏRTAC
Azərbaycan Dövlət İqtisad Universiteti (UNEC) və “Clarivate Analytics” şirkətinin Azərbaycan nümayəndəliyinin qarşılıqlı əməkdaşlığı ilə “Web of Science elmi məlumat bazasından istifadə imkanları və yeni tətbiqlər” mövzusunda təlim keçirilib.
UNEC-dən AZƏRTAC-a bildirilib ki, təlimdə “Clarivate Analytics” şirkətinin eksperti Valeria Kurmakaeva tərəfindən “Web of Science Core Collection” bazası haqqında ilkin biliklər, “Web of Science” sistemindən qeydiyyatdan keçmək qaydası və “InCites Journal Citation Reports”, “Master Journal List” xidmətləri haqqında ətraflı məlumat verilib.
Təlimdə iqtisad elminin müvafiq istiqamətləri üzrə qruplaşdırılmış “Web of Science” və “Scopus” indeksli jurnalların siyahısı da iştirakçıların diqqətinə çatdırılıb.
Bölmənin digər xəbərləri
