Ötən il Energetika Nazirliyi və tabeli qurumlara 7700-dən çox müraciət daxil olub
Bakı, 16 yanvar, AZƏRTAC
2023-cü il ərzində Energetika Nazirliyi və tabeli qurumlara 7783 vətəndaş müraciəti daxil olub.
Energetika Nazirliyindən AZƏRTAC-a bildirilib ki, müraciətlərin 6636-sı müvafiq qaydada icra edilib, 790-ı isə məlumat xarakterli olub (müraciətin geri götürülməsi, təşəkkür və digər), 357 müraciət isə icradadır.
Müraciətlər əsasən elektrik enerjisi şəbəkəsinə qoşulma, texniki şərtin verilməsi, elektrik qurğu və avadanlıqlarının istismar vəziyyəti, elektrik enerjisinin verilişində fasilələrin yaranması, qaz təchizatı, sayğaclaşma, bərpa olunan enerji, qəbula yazılmaq, icazələrin verilməsi və digər mövzularla bağlı olub.
Hesabat dövründə nazirliyin Aparatının və tabeli qurumların rəhbər vəzifəli şəxsləri tərəfindən 256 vətəndaş qəbul edilib və qəbullarda səsləndirilən müraciətlər üzrə qaldırılan məsələlərin qanunvericiliyin tələblərinə uyğun həll edilməsi üçün müvafiq tapşırıqlar verilib.
Bölmənin digər xəbərləri
