Ötən il Sahibkarlığın İnkişafı Fondu 193,8 milyon manat güzəştli kredit ayırıb
Bakı, 17 yanvar, AZƏRTAC
Ötən il Sahibkarlığın İnkişafı Fondu (SİF) tərəfindən ümumi dəyəri 459,9 milyon manat olan 3276 investisiya layihəsinin maliyyələşdirilməsinə 193,8 milyon manat güzəştli kredit verilib.
AZƏRTAC xəbər verir ki, bunu SİF-in İdarə Heyətinin sədri Osman Xaliyev fondun ilin yekunlarına həsr olunan mətbuat konfransında bildirib.
O.Xaliyev vurğulayıb ki, bu kreditlər hesabına 3000-dən çox yeni iş yerinin açılması imkanı yaranıb.
“Verilmiş kreditlərin 46,4%-i kənd təsərrüfatı məhsullarının istehsalı, 43%-i sənaye məhsullarının istehsalı və emalı, 5,5-%-i xidmət sahələri, 4,5%-i turizmin inkişafı layihələrinə yönəldilib. Güzəştli kreditlərin 72%-i regionların, 28%-i isə Bakı şəhəri və Abşeron iqtisadi rayonunun payına düşür”, - deyə Osman Xaliyev əlavə edib.
Bölmənin digər xəbərləri
