OXATMA ÜZRƏ ÖLKƏ ÇEMPİONATI BAŞA ÇATDI
Oxatma Federasiyasından AZƏRTAC-ın müxbirinə bildirmişlər ki, kişilər arasında 90, 70, 50 və 30 metr məsafələrə oxatma yarışlarında birinci və ikinci yerləri “Lokomotiv”in nümayəndələri, müvafiq olaraq, Roman Vengerov və Emin Akçurin tutmuşlar. Sumqayıtlı Tahir Adilov bürünc medal qazanmışdır.
Qadınlar 70, 60, 50 və 30 metr məsafələrə oxatmada yarışmışlar. Burada birinci yerə “Lokomotiv”in nümayəndəsi Zahirə Orucova, ikinci yerə həmin cəmiyyətin üzvü Svetlana Simonova layiq görülmüşlər. “Məhsul” idman cəmiyyətinin üzvü Lalə Abdullayeva üçüncü yeri tutmuşdur.
Yarışın qalibləri bu ilin sentyabrında Batumidə keçiriləcək beynəlxalq turnirdə iştirak edəcək Azərbaycan yığma komandasının tərkibinə daxil olacaqlar.
Bölmənin digər xəbərləri
