Özbəkistan ilə Koreya Respublikası kosmosun tədqiqi üzrə birgə işçi qrupu yaradıb
Daşkənd, 17 fevral, АZƏRTAC
Özbəkistan və Koreya Respublikası arasında kosmosun tədqiqi üzrə birgə işçi qrupu yaradılıb.
AZƏRTAC Özbəkistanın “Dünya” agentliyinə istinadla xəbər verir ki, Özbəkistanın İnformasiya Texnologiyaları Nazirliyi, “Özbəkkosmos” Agentliyi ilə Koreyanın Elm və İnformasiya-Kommunikasiya Texnologiyaları Nazirliyi və bu ölkənin “Si Imaging Services” Aerokosmik Agentliyi arasında bu istiqamətdə bir neçə görüş keçirilib və əməkdaşlığın inkişafı istiqamətində müzakirələr aparılıb.
Özbəkistan bu məsələ ilə bağlı Rusiya ilə də əlaqələri genişləndirir. Belə ki, ötən il Özbəkistan və Rusiya arasında kosmosdan sülh məqsədi ilə istifadə üçün hökumətlərarası sənəd qəbul olunub.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
