Özbəkistan Prezidenti bütün ölkələrdə olan vətəndaşlarının geri qaytarılması üçün göstəriş verib
Daşkənd, 21 mart, AZƏRTAC
Özbəkistan Prezidenti Şavkat Mirziyoyev koronavirus təhlükəsi ilə bağlı dünyanın bütün dövlətlərində olan vətəndaşların çarter reysləri ilə ölkəyə qaytarılmasına dair göstəriş verib.
AZƏRTAC Özbəkistan Xarici İşlər Nazirliyinin mətbuat xidmətinə istinadla xəbər verir ki, bununla bağlı yaradılan Komissiyaya Baş Nazir Abdulla Aripov rəhbərlik edir.
Məlumatda bildirilir ki, martın 21-də “Uzbekistan Airways”in təyyarələri Moskva və Dehlidən, ayın 22-də Kuala-Lumpur, Moskva, İstanbul və Novosibirskdən ölkə vətəndaşlarını Daşkəndə gətirəcək.
Martın 23-də İstanbul və Novosibirsk, 24-də Cakarta, 26-da Banqkokdan Daşkəndə reyslər təşkil olunacaq.
Qeyd edilir ki, sonrakı günlərdə də bu proses davam etdiriləcək.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
