PAKİSTAN HƏRBİ XƏRCLƏRİ AZALTMAYACAQ
Bununla belə, Pakistan zəlzələnin fəlakətli nəticələrinə görə ABŞ-dan xeyli miqdarda F-16 qırıcı təyyarəsi almaq qərarına yenidən baxa bilər. İstənilən halda, ölkə təklif olunmuş bu təyyarələrin hamısını almayacaqdır. Əvvəllər əldə olunmuş razılığa görə, Vaşinqton bu ölkəyə 75 belə çoxtəyinatlı qırıcı təyyarə göndərməliydi.
Prezident Pərviz Müşərrəf bəyan etmişdir ki, hazırda Pakistanın hakimiyyət orqanları bütün vasitələri təbii fəlakətdən zərər çəkənlərə yardım göstərilməsinə yönəltməlidir.
Son rəsmi məlumata görə, Pakistanın şimalında baş vermiş zəlzələ nəticəsində həlak olanların sayı 73 min nəfəri ötmüş, bir o qədər də adam yaralanmışdır.
Bölmənin digər xəbərləri
