Pandemiya səbəbindən Gürcüstan keçən il 1 milyard lari itirib
Tbilisi, 17 fevral, AZƏRTAC
Koronavirus pandemiyası səbəbindən tətbiq olunan qadağalar səbəbindən Gürcüstan gündə 16 milyon lari (təqribən 5 milyon ABŞ dolları) itirir.
AZƏRTAC xəbər verir ki, bu barədə “Galt & Taggart” investisiya bankının hesabatında məlumat verilir.
Bildirilib ki, 2020-ci ildə Gürcüstan iqtisadiyyatına dəyən zərərin həcmi 1 milyard lari (təxminən, 304 milyon ABŞ dolları) təşkil edib.
Bankın hesablamalarına görə, 2021-ci il fevralın 1-dən karantin tədbirlərinin mərhələli şəkildə aradan qaldırılmasına baxmayaraq, koronavirus ciddi problem olaraq qalır və Gürcüstan hər gün milyonlar itirir.
Hesabatda qeyd olunub ki, ötən il iqtisadiyyat 6,1 faiz azalıb və ən böyük ziyan turizm sahəsinə dəyib. Bu sektorun 2021-ci ildə tədricən bərpası nəzərdə tutulub və ilin sonunda ölkənin turizmdən 1,2 milyard dollar gəlir əldə edəcəyi proqnozlaşdırılır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
