Paytaxt sakinindən bir kiloqramdan çox heroin aşkarlanaraq götürülüb
Bakı, 16 oktyabr, AZƏRTAC
Daxili İşlər Nazirliyinin Baş Narkotiklərlə Mübarizə İdarəsi əməkdaşlarının keçirdikləri əməliyyat tədbiri nəticəsində Bakı şəhər sakini İ.Babayev Xətai rayonu ərazisində saxlanılıb.
Nazirliyin mətbuat xidmətindən AZƏRTAC-a verilən məlumata görə, axtarış zamanı onda 800 qram heroin, 27 qram metamfetamin, iki ədəd bankomat kartı aşkarlanıb. Davam etdirilən tədbirlər nəticəsində onun yaşadığı evə baxış zamanı isə oradan əlavə 390 qram heroin, 30 ədəd metadon həbi və elektron tərəzi götürülüb.
Faktla bağlı təhqiqat davam edir.
Bölmənin digər xəbərləri
