Paytaxtda 13 oğurluq hadisəsinin üstü açılıb
Bakı, 7 mart, AZƏRTAC
Paytaxtın polis orqanları tərəfindən keçirilən əməliyyat-axtarış tədbirləri nəticəsində ötən gün 34 cinayətin üstü açılıb.
Bakı Şəhər Baş Polis İdarəsindən AZƏRTAC-a bildiriblər ki, onlardan 13-ü əvvəlki dövrlərdən bağlı qalan cinayətlər olub.
Cinayətlərin 1-i qəsdən adam öldürmə, 1-i soyğunçuluq, 6-sı xuliqanlıq, 5-i narkotiklərlə bağlıdır. Baş vermiş oğurluq hadisələri ilə əlaqədar keçirilmiş əməliyyat-axtarış tədbirləri nəticəsində 13 faktın üstü açılıb.
Cinayət Məcəlləsinin müxtəlif maddələri və borca görə axtarışda olduğuna görə ümumilikdə 21 nəfər saxlanılıb. İtkin düşmüş kimi axtarışı elan olunan iki nəfər tapılaraq ailəsinə təhvil verilib.
Bölmənin digər xəbərləri
