“Petrobras”ın neft-qaz hasilatı artıb
Bakı, 24 oktyabr, AZƏRTAC
Braziliyanın dövlət enerji şirkəti “Petrobras” neft və təbii qaz istehsalını artırıb.
AZƏRTAC şirkətə istinadla xəbər verir ki, “Petrobras”ın cari ilin 9 ayında Braziliyada neft-qaz hasilatı keçən ilə nisbətən 9 faiz artıb.
Şirkət 2020-ci ildə hasilatın gündəlik orta hesabla 2,84 milyon barrel neft neft ekvivalentinə çatacağını gözləyir.
“Petrobras” qlobal neft tələbatının azalmasına baxmayaraq, şirkətin artan istehsalının tədarük bolluğu ilə nəticələnməyəcəyini açıqlayıb. Əksinə istehsal, saflaşdırma, logistika və marketinq arasındakı daha çox inteqrasiya sayəsində şirkət COVID-19-dan əvvəlki dövrdən daha aşağı ehtiyat göstəricisi ilə işləyir.
İlin üçüncü rübündə isə “Petrobras”ın neft, təbii qaz mayeləri və qaz hasilatı 5,4 faiz artaraq sutkada 2,95 milyon barrel neft ekvivalenti olub.
Bölmənin digər xəbərləri
