POLŞA VARŞAVA MÜQAVİLƏSİ TƏŞKİLATININ ARXİVLƏRİNİ AÇACAQ

22.11.2005 [17:43]
Çap et
A⁺ A^-

Varşava Müqaviləsi Təşkilatının Polşadakı arxivləri yaxın həftələrdə Xalq Yaddaşı İnstitutuna veriləcəkdir. AZƏRTAC “Novosti” agentliyinə istinadla xəbər verir ki, bunu Polşanın müdafiə naziri Radoslav Sekorski Brüsseldə NATO-nun baş katibi Yaap de Hoop Sxeffer ilə görüşdən sonra bildirmişdir.

Sekorski demişdir ki, Şimali Atlantik İttifaqının baş katibi Varşava Müqaviləsi Təşkilatı sənədlərinin tezliklə məxfilikdən çıxarılmasında çox maraqlı olduğunu söyləmişdir.

Həmin sənədlərin məxfilikdən çıxarılacağını Polşanın Baş naziri Kazimej Marçinkeviç də bu yaxınlarda ölkə parlamentində çıxışında bildirmişdir.

Xatırladaq ki, dostluq, əməkdaşlıq və qarşılıqlı yardım haqqında Varşava Müqaviləsi Təşkilatı 1955-ci ildə Polşa paytaxtında Albaniya, Bolqarıstan, Macarıstan, ADR, Polşa, Rumıniya, SSRİ tərəfindən yaradılmışdı. 1991-ci il iyulun 1-də Praqada Bolqarıstan, Macarıstan, Polşa, Rumıniya, SSRİ və Çexoslovakiya Varşava Müqaviləsi Təşkilatının fəaliyyətinə xitam verildiyi barədə protokol imzalamışlar.

POLŞA VARŞAVA MÜQAVİLƏSİ TƏŞKİLATININ ARXİVLƏRİNİ AÇACAQ

MÜƏLLİFLƏ ƏLAQƏ

Bölmənin digər xəbərləri