Polşalı avtoyürüşçü Robert Kubitsa Formula 1 yarışlarına qayıdır
Varşava, 23 noyabr, AZƏRTAC
Polşalı avtoyürüşçü Robert Kubitsa səkkiz illik fasilədən sonra 2019-cu ildə “Williams” komandasının əsas heyətinin yürüşçüsü kimi Formula 1 yarışlarına qayıdacaq. Onun sözlərinə görə, hazırda bunun üçün ideal şərait yaranıb və o, heç bir çətinlikdən qorxmur.
AZƏRTAC xəbər verir ki, 2019-cu il mövsümündə Kubitsa martın 17-də Avstraliyada keçiriləcək yürüşdə start götürəcək.
Avstraliyadan sonra Kubitsa Bəhreyn, Çin və Azərbaycan yürüş seriyalarında iştirak etməyə hazırlaşır. Mayın 12-də 2019-cu il mövsümünün Avropa hissəsi başlanacaq. Bir qayda olaraq bu seriya Barselona yaxınlığındakı Kataloniya trasında keçirilir.
“Williams” komandasında Robert Kubitsa ilə yanaşı Corc Rassel (Mercedes) də çıxış edəcək. Digər iki debütant rolunda Lando Norris (McLaren) və Antonio Covinattsi (Sauber) çıxış edəcək.
Aygün Əliyeva
AZƏRTAC-ın xüsusi müxbiri
Varşava
Bölmənin digər xəbərləri
