PREZİDENT V.PUTİN MOSKVADAKI CÜMƏ MƏSCİDİNİN 100 İLLİK YUBİLEYİNƏ DƏVƏT EDİLMİŞDİR

12.05.2004 [12:47]
Çap et
A⁺ A^-

AZƏRTAC Müstəqil İslam İnformasiya Agentliyinə istinadla xəbər verir ki, mayın 26-28-də Moskvada Rusiya paytaxtındakı Cümə məscidinin 100 illiyinə həsr edilmiş təntənəli tədbirlər keçiriləcəkdir.

Yubiley tədbirlərinin keçirilməsini RF Prezidentinin administrasiyası, RF Federasiya Şurası, Moskva hökuməti dəstəkləmişlər.

Təntənəli yığıncağa Rusiya Prezidenti Vladimir Putin, RF Federasiya Şurasının sədri Sergey Mironov, Dövlət Dumasının sədri Boris Qrızlov, Moskvanın meri Yuri Lujkov, RF regionlarının rəhbərləri, ölkənin ənənəvi konfessiyalarının başçıları da dəvət edilmişlər.

Bayram şənlikləri çərçivəsində “Müsəlmanlar sülhə və həmrəyliyə tərəfdardırlar” mövzusunda beynəlxalq konfrans da keçiriləcəkdir.