QADINLAR ARASINDA OTÜSTÜ XOKKEY ÜZRƏ AVROPA KLUB ÇEMPİONLARI KUBOKU KEÇİRİLƏCƏKDİR
Azərbaycan Otüstü Xokkey Federasiyasının mətbuat xidmətindən AZƏRTAC-a bildirmişlər ki, mayın 9-da Almaniyanın Köln şəhərində qadınlar arasında otüstü xokkey üzrə Avropa Klub Çempionları Kuboku start veriləcəkdir.
Azərbaycanı bu yarışda “Atasport” klubu təmsil edəcəkdir.
Xokkeyçilərimiz ilk görüşünü Rusiyanın “Volqa Telekom” klubuna qarşı keçirəcəklər. Mayın 10-da “Atasport” “Siaulay” (Litva) komandası ilə üz-üzə gələcək və son görüşdə isə “Hertogenboş”a (Hollandiya) qarşı mübarizə aparacaqdır.
Komandamız turnirin qalibi olmaq üçün ilk növbədə qrup mərhələsini birinci pillədə başa vurmalıdır.
Mayın 12-də yekunlaşacaq yarışın reqlamentinə əsasən, ən zəif nəticə göstərən iki kollektiv Avropa Klub Çempionları Kubokunda yerini itirəcəkdir.
Bölmənin digər xəbərləri
