Qanunu pozduqları üçün idarə və müəssisələrə cərimə tətbiq olunmuşdur
Bakı, 24 iyun (AZƏRTAC). Ekologiya və Təbii Sərvətlər Nazirliyinin (ETSN) Ətraf Mühitin Mühafizəsi Departamentinin əməkdaşları iyunun 1-dən 15-dək ekoloji qanunvericiliyin tələblərinə riayət olunmasını yoxlamışlar.
Qurumun mətbuat xidmətindən AZƏRTAC-a bildirmişlər ki, qanun pozuntularına görə 94 akt və 8 protokol tərtib olunmuş, aşkar edilmiş nöqsanların aradan qaldırılması üçün müvafiq qanunvericiliyə əsasən 85 “məcburi göstəriş” verilmişdir.
Qanun pozuntusuna yol verdiklərinə görə hüquqi və fiziki şəxslərə 1 milyon 406 min 900 manat məbləğində cərimə kəsilmiş, ətraf mühitə dəymiş ziyanla bağlı 3 min 250,03 manat məbləğində iddia qaldırılmışdır. İdarə və müəssisələr isə tullantıların atılmasına (axıdılmasına) görə 129 iş üzrə 11 min 276 manat ödəmişlər.
Bölmənin digər xəbərləri
