“QARADAĞ SEMENT” ASC-NİN İLLİK ÜMUMİ YIĞINCAĞI KEÇİRİLMİŞDİR
Cəmiyyətin səhmlərinin 86,003 faizi “Holsim Grup Support” MMC, 10,6605 faizi fiziki şəxslərə, 2,9116 faizi “Holsim Auslandbeteilingungs” GmbH və səsvermə hüququna malik olmayan səhmlərin 0,4249 faizi “Qaradağ Sement” ASC-yə məxsusdur.
Yığıncaqda Cəmiyyətin Nizamnaməsinin yeni redaksiyası, maliyyə- təftiş komissiyasının, idarə heyətinin, cəmiyyətin illik balansının, mənfəət və zərərin hesabatları, mənfəətin bölüşdürülməsi, maliyyə-təftiş komissiyasının sədrinin istefa verməsinin və yeni üzvünün, eləcə də, müşahidə şurasının üzvlərinin seçilməsi qaydaları, cəmiyyət tərəfindən geri alınmış səhmlərin təkrarən yerləşdirilməsi məsələləri müzakirə edilərək təsdiq olunmuşdur.
“Qaradağ Sement” ASC 2003-cü ili mənfəət ilə başa vurmuşdur. Azərbaycan Respublikasının Vergi Məcəlləsinin 121-ci maddəsinə müvafiq olaraq, bu gəlirdən müvafiq məbləğ ötən illərdən qalmış zərərin aradan qaldırılmasına yönəldilmişdir. Qanunvericiliyə müvafiq olaraq, qalan məbləğdən mənfəət vergisi hesablanmış və büdcəyə ödənilmişdir. Qalıq məbləğ isə əsasən sərmayə qoyuluşlarına və şirkətin xalis aktivlərinin artırılmasına yönəldilmişdir.
Bölmənin digər xəbərləri
