“Qaradağ Şüşə” SC-nin səhmlərinin 85 faizi investisiya müsabiqəsinə çıxarılır
Bakı, 7 mart, AZƏRTAC
Əvvəllər Azərbaycan Sənaye Korporasiyasının nəzdində olan “ASK Şüşə” növbəti özəlləşdirmə məqsədilə “Qaradağ Şüşə” Səhmdar Cəmiyyətinə çevrilib.
AZƏRTAC xəbər verir ki, bunu Əmlak Məsələləri Dövlət Xidmətinin Özəlləşdirmə şöbəsinin müdiri Əziz Mirzəyev deyib.
Onun sözlərinə görə, şirkətin səhmlərinin 85 faizi investisiya müsabiqəsinə çıxarılacaq: “Hazırda investisiya müsabiqəsinin layihəsini hazırlayan, onun məbləği və şərtlərini müəyyən edən özəlləşdirmə komissiyası yaradılıb. Bütün bu prosedurlar başa çatdıqdan sonra müsabiqə elan olunacaq. Belə ki, müstəqil auditor yeni SC-nin nizamnamə kapitalını müəyyən edib - 35 milyon 950 min manat. Şirkətin səhmlərinin 15 faizlə SC-nin əməkdaşlarına güzəştli şərtlərlə təklif olunacaq”.
Bölmənin digər xəbərləri
