Qazaxda cüdo imtahanı: 7 yaşdan yuxarı hər kəs iştirak edə bilər
Bakı, 29 aprel, AZƏRTAC
Mayın 3-də Azərbaycan Cüdo Federasiyasının (ACF) təşkilatçılığı ilə Qazaxda kəmər dərəcələri üzrə rəsmi imtahan keçiriləcək.
AZƏRTAC xəbər verir ki, Qazax Olimpiya İdman Kompleksində təşkil olunacaq imtahan 7 yaşdan yuxarı cüdo ilə məşğul olan hamı üçün açıqdır. Kəmər seçimi müvafiq yaş uyğunluğuna əsasən aparılacaq. İmtahanı uğurla keçən namizədlərə ACF tərəfindən müvafiq kəmər və sertifikat təqdim ediləcək.
Qeyd edək ki, bu ildən etibarən kəmər dərəcəsi olmayan idmançıların yarışlarda iştirakına icazə verilməyəcək.
Bölmənin digər xəbərləri
