Qazaxıstan boks üzrə Dünya Kubokuna ev sahibliyi edəcək
Bakı, 23 yanvar, AZƏRTAC
Beynəlxalq Boks Assosiasiyası (IBA) 2025-ci il üçün rəsmi yarış təqvimini açıqlayıb.
AZƏRTAC qurumun rəsmi saytına istinadən xəbər verir ki, təqvimə əsasən, yarışın ikinci mərhələsinə Qazaxıstan ev sahibliyi edəcək. Turnir iyunun 30-dan iyulun 7-dək keçiriləcək.
Boks üzrə Dünya Kuboku ən yaxşı kişi və qadın idmançıların reytinq xalları uğrunda mübarizə apardığı bir neçə raunddan ibarət turnirlər seriyasıdır.
Yarışın ilk mərhələsi martın 30-dan aprelin 7-dək Braziliyada, üçüncü mərhələsi sentyabrın 4-14-də Böyük Britaniyada, finalı isə noyabr ayında Hindistanın Yeni Dehli şəhərində təşkil olunacaq.
Bölmənin digər xəbərləri
