Qazaxıstan elmi tədqiqatlar məqsədilə Xəzərdən 156 suiti götürəcək
Astana, 29 iyul, AZƏRTAC
Qazaxıstan hökuməti elmi tədqiqatlar üçün Xəzər dənizində 156 suitinin götürülməsinə icazə verib.
AZƏRTAC Qazaxıstanın Kənd Təsərrüfatı Nazirliyinə istinadla xəbər verir ki, suitilər müvəqqəti olaraq Xəzər dənizinin Məngistay və Atırau vilayətlərinin sahilləri boyunca götürüləcək.
Tədqiqatın məqsədi bu nadir və nəsli kəsilməkdə olan növü daha dərindən öyrənmək üçün heyvanları etiketləməkdir. Elmi tədqiqatlar başa çatdıqdan sonra götürülən heyvanlar təbii yaşayış yerlərinə qaytarılacaq.
Hazırda elmi təşkilatlar tədqiqata başlamaq üçün lazımi icazələri alır. Bu layihə regionda nadir balıqların və digər su heyvanlarının öyrənilməsi və mühafizəsi üzrə daha geniş təşəbbüsün bir hissəsidir.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
