QAZAXISTAN HƏRBİ KONTİNGENTİNİ İRAQDAN ÇIXARMAYACAQ
AZƏRTAC-ın xüsusi müxbiri Almatıdan xəbər verir ki, Qazaxıstan hökuməti bununla bağlı bəyanat yaymışdır. Bəyanatda deyilir ki, Qazaxıstan sülhməramlı qüvvələrini İraqdan çıxarmaq haqqında düşünmür və qazax hərbçiləri İraq xalqına bundan sonra da kömək edəcəklər. Qazaxıstan İraqın müharibədən sonrakı bərpası üçün üzərinə götürdüyü öhdəlikləri yerinə yetirməyə hazırdır və o, BMT-nin bu istiqamətdə səylərini dəstəkləyir.
Bununla bərabər, Qazaxıstan İraqda vəziyyətin gərginləşməsi ilə bağlı hərbi qulluqçularının təhlükəsizliyinin təmin olunması üçün koalisiya qüvvələri komandanlığına müraciət etmişdir.
Bölmənin digər xəbərləri
