Qazaxıstanda 180 min sakin üçün yeni şəhər layihəsinin təfərrüatları açıqlanıb
Astana, 21 noyabr, AZƏRTAC
Qazaxıstanda Almatı bölgəsində yeni “Talgar Eco City” tikintisinin təfərrüatları açıqlanıb.
AZƏRTAC Almatı bölgə administrasiyasına istinadla xəbər verir ki, şəhər 180 min sakin üçün nəzərdə tutulacaq və 11,8 milyon kvadratmetrlik ərazini əhatə edəcək.
Layihə çərçivəsində mənzillərin, məktəblərin, tibb müəssisələrinin, ticarət və əyləncə obyektlərinin, eləcə də yaşıl ictimai məkanların tikintisi nəzərdə tutulub.
Ekoloji məsələlərə və yaşıl texnologiyaların tətbiqinə xüsusi diqqət yetirilməsi planlaşdırılır.
Layihəyə süni intellektdən istifadə edərək innovativ infrastrukturun yaradılması, 36 min iş yerinin açılması və 14 milyard dollardan çox investisiyanın cəlb edilməsi də daxildir.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
