“Qəbələ” komandası Gürcüstanda “VİT-Corciya” klubu ilə yoldaşlıq oyununda qarşılaşacaq
Bakı, 27 yanvar, AZƏRTAC
“Qəbələ”nin əvəzedicilərdən ibarət komandası 2017-2018-ci illər mövsümünün ikinci yarısına hazırlıqları davam etdirir.
AZƏRTAC xəbər verir ki, “qırmızı-qaralar” təlim-məşq toplanışı üçün Gürcüstana yollanıblar. Qış hazırlıq prosesinin Qəbələdə və Bakıdakı hissələrini başa vuran Emin İmaməliyevin yetirmələri fevralın 2-dək Tiflisdə məşq edəcəklər.
Komandamız qonşu ölkənin paytaxtında ilk məşqini də gerçəkləşdirib. Əvəzedicilər “Sabutalo” klubunun ev oyunlarını keçirdiyi “Bendela” stadionunda hazırlıq keçib.
Komandamız növbəti məşqinə bu gün çıxacaq.
Yanvarın 28-də isə “qırmızı-qaralar” Gürcüstanda ilk yoxlama oyununu keçirəcək. Komandamız birinci dəstədə çıxış edən “VİT-Corciya” ilə üz-üzə gələcək.
Bölmənin digər xəbərləri
