Qəbələdə meyvə istehsalı 1965 tondan çox artıb
Qəbələ, 6 yanvar, Mustafa Dadaşov, AZƏRTAC
Ötən il Qəbələ rayonunun meyvə bağlarından 15 min 898,9 ton məhsul tədarük olunub. Meyvə istehsalı əvvəlki illə müqayisədə 1965,5 ton artıb.
Bu barədə AZƏRTAC-ın bölgə müxbirinə Qəbələ Rayon Statistika İdarəsindən məlumat verilib.
Bildirilib ki, hazırda Qəbələ rayonunda meyvə bağlarının ümumi sahəsi 8 min 868,2 hektardır. Bu bağların 8 min 104,7 hektarı barverən yaşdadır. Ötən il rayon ərazisində 19 hektar sahədə yeni meyvə bağları salınıb.
Rayonda üzümçülüyün inkişafına da diqqət ildən-ilə artır. Ötən il rayonda 12,4 hektar sahədə yeni üzüm bağları salınaraq mövcud bağların ümumi sahəsi 433,4 hektara çatdırılıb. 2021-ci ildə rayonda talvar üzümü də daxil olmaqla, 2 min 284,4 ton üzüm istehsal olunub.
Bölmənin digər xəbərləri
