“Qəbələ”dən ayrılan Ürfan Abbasov “Səbail”lə müqavilə imzalayıb
Bakı, 4 iyun, AZƏRTAC
“Qəbələ”dən ayrılan müdafiəçi Ürfan Abbasovun yeni klubu müəyyənləşib.
AZƏRTAC xəbər verir ki, futbolçu “Səbail” klubu ilə müqavilə imzalayıb. Müdafiəçi yeni klubunda 34 nömrəli formada çıxış edəcək.
Qeyd edək ki, 27 yaşlı futbolçu sonuncu klubu olan “Qəbələ”də 220 matçda meydana çıxıb. Müdafiəçinin hesabında 3 qol var. Futbolçu Premyer Liqada 177, ölkə kubokunda 28, Avropa Liqasında 15 matça çıxıb. Müdafiəçi bütün qollarını ölkə çempionatında vurub. O, “Qəbələ”də keçirdiyi 8 mövsümdə Premyer Liqanın beş mükafatını qazanıb.
Bölmənin digər xəbərləri
