“Qəbələ”nin cüdoçuları beynəlxalq turnirdə iki medal qazanıblar
Bakı, 27 yanvar, AZƏRTAC
Xəbər verdiyimiz kimi, İtaliyanın Linyano Sabbyadoro şəhərində yeniyetmə və gənc cüdoçular arasında 21-ci “Alpe Adria” beynəlxalq turniri keçirilib. 988 cüdoçunun mübarizə apardığı yarışda Azərbaycanın gənclərdən ibarət milli komandasının heyətində “Qəbələ” idman klubunun üzvləri də iştirak ediblər.
AZƏRTAC xəbər verir ki, yığmamızın qazandığı 9 medaldan ikisi “Qəbələ”nin cüdoçularının hesabındadır. Turnirdə 60 kiloqram çəki dərəcəsində çıxış edən İsmayıl İbrahimov finaladək bütün rəqiblərinə qalib gələrək, yalnız həlledici görüşdə tatamini məğlub tərk edib. Bununla da cüdoçumuz gümüş medal qazanıb. Eyni çəkidə mübarizə aparan Rüfət Tağızadə isə İtaliyada bürünc medala sahib olub.
Qeyd edək ki, millimiz komanda hesabında turniri birinci yerdə başa vurub.
Bölmənin digər xəbərləri
