Qəhvəyi mərmər bağacığına qarşı mübarizə tədbirləri davam etdirilir
Bakı, 29 aprel, AZƏRTAC
Azərbaycan Respublikasının Qida Təhlükəsizliyi Agentliyi (AQTA) qəhvəyi mərmər bağacığının respublika ərazisində yayılmasının qarşısının alınması, yayılma arealının müəyyən edilməsi və fitosanitar sabitliyin qorunub saxlanılması istiqamətində müvafiq fitosanitar nəzarət və maarifləndirmə tədbirlərini davam etdirir.
AQTA-nın İnformasiya təminatı və innovativ həllər şöbəsindən AZƏRTAC-a bildirilib ki, tədbirlər çərçivəsində Qida Təhlükəsizliyi Agentliyinin, Kənd Təsərrüfatı Nazirliyi yanında Aqrar Xidmətlər Agentliyinin, Ekologiya və Təbii Sərvətlər Nazirliyi yanında Meşələrin İnkişafı Xidmətinin, yerli icra hakimiyyəti orqanlarının əməkdaşlarının və sahibkarların iştirakı ilə Bərdə, Tərtər, Ağcabədi, Ağdam, Füzuli və Laçın rayonlarında görüşlər keçirilib.
Görüşlərdə zərərvericinin yayılma yolları, onunla mübarizə sahəsində həyata keçirilən tədbirlər, aparılan monitorinqlərin nəticələri və qarşıda duran vəzifələr barədə ətraflı məlumat verilib, iştirakçıları maraqlandıran suallar cavablandırılıb. Qəhvəyi mərmər bağacığına qarşı mübarizə yolları ilə bağlı maarifləndirici çap materialları paylanıb.
Bölmənin digər xəbərləri
