QƏRİB MƏMMƏDOV : “YENİ QOLUN ÇƏKİLMƏSİ İLƏ BAĞLI KOMİTƏNİN QARŞISINA İKİ MƏQSƏD QOYULMUŞDUR”
İmişli, 28 may (AZƏRTAC). Arazın yeni qolu 6 rayonun ərazisindən keçəcəkdir.
Bunu jurnalistlərə Dövlət Torpaq və Xəritəçəkmə Komitəsinin sədri Qərib Məmmədov demişdir.
Yeni qolun çəkilməsi ilə bağlı komitənin qarşısına iki məqsəd qoyulmuşdur. Birinci, Bəhramtəpədən Araz çayının köhnə məcrasının bərpa olunması və həmin məcranın ən aşağı mənfi relyef formasını topoqrafik xəritələr üzərində müəyyən etməkdir. İkinci məqsədimiz isə dəhlizin əhatə etdiyi ərazilərin torpaq fondunu müəyyən etməkdir. Burada dövlət torpaqları, bələdiyyə və xüsusi mülkiyyətə aid torpaqlardır.
Q.Məmmədovun sözlərinə görə, Bəhrəmtəpədən Xəzər dənizinə qədər dəhlizin uzunluğu 130 kilometr təşkil edir. Yeni qol İmişli, Biləsuvar, Neftçala, Cəlilabad, Masallı və Lənkəran rayonlarından keçməklə Xəzər dənizinə qovuşacaqdır.
Bölmənin digər xəbərləri
