Qəsdən adam öldürməkdə şübhəli bilinən keçmiş məhkumlar saxlanılıblar
Bakı, 24 iyun, AZƏRTAC
Bakı şəhər sakini Cəlal Hüseynovun iyunun 17-də Yasamal rayonu ərazisindən qarın nahiyəsindən kəsilmiş-deşilmiş xəsarətlə xəstəxanaya gətirilməsi və orada ölməsi barədə 27-ci polis bölməsinə məlumat daxil olub.
Daxili İşlər Nazirliyinin mətbuat xidmətindən AZƏRTAC-a bildiriblər ki, rayonun polis və prokurorluq orqanlarının əməkdaşları tərəfindən dərhal müvafiq tədbirlər həyata keçirilib.
Faktla bağlı cinayət işi başlanıb.
Qəsdən adam öldürməkdə şübhəli bilinənlər, əvvəllər məhkum olunmuşlar - Bakı şəhər sakini R.Hənifəyev və Abşeron rayon sakini R.İsrafilov keçirilmiş istintaq və əməliyyat-axtarış tədbirləri nəticəsində saxlanılıblar.
Bölmənin digər xəbərləri
