Qılıncoynadanımız Cavanşir Ağakişiyev dünya kubokunda bürünc medal qazanıb
Bakı, 24 noyabr, AZƏRTAC
Qılıncoynatmanın sablya növü üzrə milli komandamızın üzvü Cavanşir Ağakişiyev Tehranda keçirilən gənclər arasında dünya kuboku yarışlarında bürünc medal qazanıb.
AZƏRTAC xəbər verir ki, qrupda keçirdiyi 6 görüşdən 4-nü qalib başa vuran C.Ağakişiyev 1/16 finalda Qazaxıstan təmsilçisi Bakdaulet Kuralbekulini məğlub edib. Səkkizdəbir finalda türkiyəli Umut Kaya üzərində qələbə qazanan sablyaçımız növbəti mərhələdə Honkonq idmançısı Zau Jia Jin Kelvin Reylə görüşdən qalib ayrılıb. Yarımfinala yüksəlməklə dünya kubokunun bürünc medalını təmin edən qılıncoynadanımız belaruslu Maksim Pinçukla gərgin keçən görüşdə rəqibinə uduzub.
Bölmənin digər xəbərləri
