Qırğızıstan Prezidentini Moskvaya səfərdə müşayiət edən iki nəfərdə koronavirus aşkarlanıb
Bişkek, 24 iyun, АZƏRTAC
Faşizm üzərində Qələbənin 75 illiyi ilə bağlı paradda iştirak etmək üçün Moskvaya gedən Qırğızıstan Prezidenti Sooronbay Jeenbekovu müşayiət edən iki nəfərdə koronavirus aşkarlanıb.
AZƏRTAC Qırğızıstan Prezidentinin mətbuat xidmətinə istinadla xəbər verir ki, Sooronbay Jeenbekov da daxil olmaqla nümayəndə heyətinin üzvləri Moskvaya çatdıqdan sonra koronavirusa qarşı test analizi veriblər. Qırğızıstan Prezidenti Aparatının xarici siyasət şöbəsinin müdiri Daniyar Sadıkov və dövlət başçısının cangüdənlərindən birində koronavirus aşkarlanıb. Bu səbəbdən Sooronbay Jeenbekov parada qatılmayıb.
Məlumatda deyilir ki, Qırğızıstan Prezidenti Bişkekə qayıtdıqdan sonra özünütəcrid rejiminə keçəcək və evdə işləyəcək.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
